गायक सतीश महर्जनया सलय् हालातःगु म्ये ‘सलिंचाय्’या म्यूजिक भिडिओ सिथिनखः कुन्हु पिहावइगु जूगु दु।

मगन इन्टरटेनमेन्टया यूट्यूब च्यानलय् न्हिनसिया ५ ताः इलय् रिलिज जुइत्यःगु खः। आर. मानन्धरं च्वयादिगु उगु म्येया म्यूजिक भिडिओलय् मू कलाकार राष्ट्रिका शाक्य व रजिन महर्जन दुसा सहयोगी कलाकार व मचा कलाकारपिं नं दुथ्याः।

वरिष्ठ गायक जुजुकाजी रञ्जितया ‘छंगु म्हगः गुलि बांलाः’ व रत्नशोभा महर्जनया ‘वया मां जि’ मगन इन्टरटेनमेन्टया न्ह्यब्वया खः। निगुलिं म्यूजिक भिडिओनं स्वकुमिपिनि दथुइ बांलाःगु छाप त्वःतेत सफल जूगु दु।

‘छंगु म्हगः २’ कथं प्रस्तुत ‘सलिंचाय्’ म्यूजिक भिडिओनं नं बांलाःगु प्रभाव लाकीगु भलःसा काये थाय् दु।

Categorized in मनोरन्जन