नेपालभाषा व तामाङ कामकाजि भाषा अध्ययण यायेतम कार्यदल नीस्वंन
लहनान्युज | तछलाथ्व दुतिया ११४४, जेष्ठ २६ शनिवाः
![](https://www.lahananews.com/sites/default/files/bag_1.jpg)
बागमती प्रदेश संस्कृति, पर्यटन लिसे सहकारी मन्त्रालयपाखें नेपालभाषा व तामाङ भाषायात सरकारी कामकाजि भाषा कथं लागू यायेगु नितिं अध्ययण कार्यदल नीस्वंगु दु।
उगु कार्यदलं भाषा ऐन कार्यान्वयनया नितिं सुझाव बिइगु ज्या याइ। कार्यदलया कजिइ वागमती प्रदेशया संस्कृति, पर्यटन नापं सहकारी मन्त्रालयया सचिवया नेतृत्वय् ल्यःगु खः।
न्हय्म्ह दुजलय् बागमती प्रदेश संस्कृति पर्यटन लिसे सहकरी मन्त्रालया प्रदेश सचिव, मुख्यमन्त्री लिसे मन्त्री परिषत कार्यालयया सचिव, आन्तरिक मामिला लिसे कानुन मन्त्रालयया सचिव, भाषा आयोगया भाषा विद्ध, नेपाल तामाङ धेदुदुङ संघीय कार्य समितिया नायः, नेवाः देय् दबूया केन्द्रीय समिति व बागमती प्रदेश संस्कृति पर्यटन मन्त्रालयया महाशाखा प्रमुखयात तःगु दु।
Categorized in राष्ट्रिय