मधेश प्रदेशया नवनियुक्त मुख्यमन्त्री सतिश सिंहं शपथ काःगु दु। म्हिगः शुक्रवाः प्रदेश प्रमुख सुमित्रा सुवेदी भण्डारीं सिंहयात शपथ बिउगु खः।

जनमत पार्टीया सांसद सिंह म्हिगः हे मधेश प्रदेशया मुख्यमन्त्रीइ नियुक्त जूगु खः। संविधानया धारा १६८ या उपधारा २ कथं सतिश सिंह मुख्यमन्त्रीइ नियुक्त जुगु खः।

सिंहं जनमतया नापं, नेकपा एमाले, माओवादी केन्द्र, एकीकृत समाजवादी, नागरिक उन्मुक्ति पार्टी व नेपाल संघीय समाजवादीया समर्थनय् मुख्यमन्त्रीइ दाबी पेस याःगु खः।

जसपा नेपालया मुख्यमन्त्री जूम्ह सरोजकुमार यादवं बुधवाः प्रदेश सभाय् विश्वासया मत गुमे याःगु खः।

Categorized in राष्ट्रिय