सतिश सिंह मधेश प्रदेशय् मुख्यमन्त्री नियुक्त
लहनान्युज | तछलाथ्व पारु ११४४, जेष्ठ २५ शुक्रवाः
![](https://www.lahananews.com/sites/default/files/saroj.jpg)
जनमत पार्टीया सांसद सतिश सिंह मधेश प्रदेशय् मुख्यमन्त्री नियुक्त जूगु दु। प्रदेश प्रमुख सुमित्रा सुवेदी भण्डारीें सिंहयात थौ शुक्रवाः मुख्यमन्त्री नियुक्त याःगु दु।
संविधानया धारा १६८ या उपधारा २ बमोजिम सिंहयात मुख्यमन्त्रीइ नियुक्त याःगु दु। सिंहं जनमतया नापं नेकपा एमाले, माओवादी केन्द्र, एकीकृत समाजवादी, नागरिक उन्मुक्ति पार्टी व नेपाल संघीय समाजवादीया सांसदपिनिगु समर्थनय् मुख्यमन्त्रीया दाबी पेस याःगु खः।
जसपा नेपालया मुख्यमन्त्री सरोजकुमार यादवं बुधवाः प्रदेश सभाय् विश्वासया मत गुमे यायेवं पद मुक्त जुगु खः। प्रदेश प्रमुखं व हे दिं न्हगु सरकार गठनया लागि बहुमतसहित दाबी पेस यायेत थौ शुक्रवाः तक ई बिःगु खः। न्हुम्ह मुख्यमन्त्री सिंहं थौ हे शपथ काइगु जुगु दु।
Categorized in राष्ट्रिय