महिला, बालबालिका लिसे ज्येष्ठ नागरिक मन्त्री नाप नेकपा एमालेया केन्द्रीय सदस्य भगबती चौधरीं वइगु २०८४ या निर्वाचनय् पार्टीयात १ नम्बर दयकेगु निति पार्टी दुनेयाःगु आन्तरिक समस्या क्वचायेका छप्पा जुया न्ह्यावनेमाः धका धयादीगु दु।

नेकपा एमाले सुनसरी जिल्लाया च्याक्वःगु जिल्ला अधिवेशनय् सम्बोधन यायेगु झ्वलय् अथे धयादीगु खः। सुनसरी जिल्ला हरेक हिसाबं सम्पन्न जिल्ला खः धका धयादीसे पार्टीया न बालागु अवस्थाय् दु सा पार्टीभित्र दुने आन्तरिक समस्या ज्यकेफत धाःसा वइगु निर्वाचन पार्टीयात १ नम्वरय् यायेत सूना न पने फइमखु धका धयादीगु खः।

सुनसरी जिल्ला विविधतां जाःगु जिल्ला खः धका धयादीसे मन्त्री चौधरीं जिल्लाय् सर्वसम्मत नेतृत्व ल्ययेगु निति ज्या जुइमाः धका धयादीगु खः। निर्वाचन जुइगु इलय् छु न छु कथं असन्तुष्टि जुइफुगुलि उकिइ सर्व सहमतिइ कथं न्ह्यावने फय्मा धका बः बियादीगु खः।

२०८४ सालय् न्हापागु पार्टी दयकेगु अभियान पार्टी कयातःगु धका धयादीसे मिसन ग्रासरूट जुया, झुलाघाट–चिवाभञ्ज्याङ मध्यपहाडि केन्द्रित अभियान क्वचाये धुका आः मिसन ८४ या अभियानय् दु। वयकलं धयादीगु दु, ‘थुगु अभियान उवलय् जक ताः लाइ।गुवलय् झीगु जिल्लाय् १२ गु पालिका त्याका क्यनेफइ।’

Categorized in राजनीति