सूचना लिसे सञ्चार प्रविधिमन्त्री रेखा शर्मां प्रतिपक्ष दल जिम्मेवार मजुया संसदय् अराजनीतिक गतिविधि खने दुगु धका धयादीगु दु।

सरकारया प्रवक्ता शर्मां प्रतिपक्ष दल कांग्रेस थःगु ‘थाय्’ त्वताः सरकारया ‘थाय्’ त्वःता दुहावःगु धका धयादीगु खः।

संसद् भवनं पिहावनेगु झ्वलय् पत्रकारपि नाप खल्हायेगु झ्वलय् वयकलं धयादीगु दु, ‘गृहमन्त्रीयात न्ववाके मबिइगु, न्ह्यसःया लिसः हे मबिकेगु व संसदय् घ्वातु घ्वातु घ्वायेगु धइगु प्रतिपक्ष दलया गैरजिम्मेवार ज्या खः।’

थौया प्रतिनिधि सभा बैठकय् नेपाली कांग्रेस व सत्तापक्ष दलया सांसदपि घ्वातु घ्वायेगु ज्या जुगु खः।

Categorized in राष्ट्रिय