प्रमुख प्रतिपक्षी दल नेपाली कांग्रेसं पंगः थनेवं प्रतिनिधि सभाया बैठक स्थगित जूगु दु। प्रतिनिधि सभाया मेगु बैठक कन्ह्यः सुथय् ११ बजे सःतूगु दु।

नेपाली कांग्रेसं वेल घेराउ व नाराबाजी दथुइ सभामुख देवराज घिमिरं संसद् बैठक न्ह्याकूगु खः। सभामुखं राष्ट्रपतिया पौ न्यकाच्वंगु इलय् हे कांग्रेस सांसदतय्स मदिक्क नाराबाजी याना च्वंगु खः।

व हे दथुइ सभामुखं गृहमन्त्री रवि लामिछानेयात न्ववायेत ई बिउगु खः। कांग्रेस सांसदतय्स गृहमन्त्रीयात रोष्ट्रमय् वनेत पंगः थनेवं सत्तापक्ष व प्रतिपक्षी दलया सांसद दथुइ घ्वातु घ्वाय् ज्या जुगु खः।

एमाले अध्यक्ष केपी शर्मा ओली व नेपाली कांग्रेसया सांसद धनराज गुरुङ घ्वातु ध्वाउगु खः। वया लिपा बैठक स्थगित याउगु खः।

Categorized in राष्ट्रिय