सेन्टर स्टेजय् नेपालभाषा कविता वाचन
लहनान्युज | बछलाथ्व अष्टमी ११४४, जेष्ठ ३ बिहीवाः
![](https://www.lahananews.com/sites/default/files/ram_12.jpg)
सेन्टर स्टेजय् कविता वाचनया ज्याझ्वलय् आर. मानन्धरं नेपालभाषाया कविता वाचन यानादीगु दु।
उगु ज्याझ्वलय् खस–नेपालीभाषा लगायत हिन्दी व अंग्रेजी कविता नं ब्बने ज्या जुगु खः। उगु ज्याझ्वलय् आर. मानन्धरं नेपालभाषाया प्यपु कविता ब्बनादीगु खः। उकीइ मध्ये स्वपु छन्द कविता खःसा छपु गद्य कविता खः।
नेपालभाषाया कविता न्यंकेधुंकाः उकिया नेपाली अनुवाद नं न्यंकूगु खः। नेपालभाषाया कविता पाठयात भाय् मथूगु श्रोतगणं नं ध्यानपूर्वक शान्त जुयाः न्यंगु ज्याझ्वःया छगू च्वछाये बहःगु पक्ष जुगु दु। उगु ज्याझ्वःया ग्वसाः खलः ‘स्टार्ट टु टेल’पाखें याःगु खःसा यलया इदन रेष्टुरांया अडिटरियमय् जूगु खः।
थ्वयां न्हापा नं ‘स्टार्ट टु टेल’या न्हूदँ ईया ज्याझ्वलय् नं नेपालभाषाया कविता वाचन दुथ्याकूगु खः। अबलय् आर. मानन्धर व सुरेश किरणं नेपालभाषाया कविता न्यंकूगु खः।
Categorized in राष्ट्रिय