महिला, बालबालिका लिसे ज्येष्ठ नागरिक मन्त्री भगबती चौधरीं शिक्षा ख्यलय् तमाम समस्या समाधान यायेत संघीय शिक्षा ऐन तत्काल वयेमाः धका धयादीगु दु।

एप्पल इन्टरनेशनल स्कुल तीनकुनेय् शनिवाः जुगु छगु ज्याझ्वलय् मन्त्री चौधरीं अथे धयादीगु खः। विद्यालय शिक्षण सय्केगु थाय् खः धका  धयादीसे मन्त्री चौधरीें बालबालिका केन्द्रित शिक्षण सय्केत इनाप यानादीगु खः।

संविधानं शिक्षा क्षेत्र स्थानीययात बिउगु धका धयादीसे आः शिक्षण सयकेगु निति बालबालिकामैत्री जुइ मः धका धयादीगु खः। ’संविधानय् शिक्षायात स्थानीय तहयात बिःगु दु। छु खँ स्थानीय तह कथं बिस्क बिस्क व्यवस्था याये दइगु व्यवस्था दु’, वयकलं धयादीगु खः, ’राज्यया संरचना कथं स्वंगू तहया शिक्षाय् छु भचा छगु कथं जुइमाः।

पाठ्यक्रमय् जीवन उपयोगी, आःयागु टेक्नोलोजी कथं जुइमाः। विद्यालय, माध्यामिक विद्यालय स्थानीय तहय् जुइगुलि छु छु अधिकार स्थानीय तहलय् वःगु दु। बालबालिका केन्द्रित शिक्षण सिकाइ जुइमाः’

Categorized in राष्ट्रिय