रवि लामिछानेयात एमालें बचे याये म्वाः— एमालेया सांसद सूर्य थापा
लहनान्युज | बछला पंचमी ११४४, बैसाख ३० आईतवाः
सत्तारूढ नेकपा एमालेया सांसद सूर्य थापां उपप्रधानमन्त्री लिसे गृहमन्त्री रवि लामिछानेयात एमालें बचे याये म्वाः धका धाःगु दु।
म्हिगः शनिवाः रिपोर्टर्स नेपालय् जुगु छगु ज्याझ्वलय् थापां थःत वःगु न्ह्यसःया लिसः रवि लामिछानें थःम्हेसिया बिइ, एमालें बचे याना च्वनेम्वाः धका धागु दु। अय्न लामिछानेयात न्ववाके बिइ माः धका धाःगु दु। ‘७० दँ तका ज्या याना वम्ह मनू मखु।
न्ववाना जक पार्टी दयकूगु खः। न्ववायेत पंगु मदु। गुलि थाकू। युट्युबरपाखे स्थापित जूगु पार्टी। गृहमन्त्री जुइ धुका न्ववाय् मज्यु धका धायेगु ला,’ वयकलं धयादीगु खः।थापां न्ववाय् दयेमाः धका ल्वाना वयाच्वंगु पार्टीं हे न्ववाय् दइमखु धका धायेगु बिडम्बना जुगु धका धयादीगु खः।
‘सभामुखं न्ववाय्त सःतुगु खःसा लँ पना न्ववाके मबिउगु खः। कांग्रेसं सू न डेमोक्रेसी धाइपिन्स अथे याये मज्यु,’ धका थापां धागु खः।
थापां लुँ तस्करी प्रकरणय् छानबिन समिति दयकेमाः धका धाःगु इलय् कांग्रेस सांसद विश्वप्रकाश शर्मां दय्के म्वाः धका धाःगु खः। ‘सत्ताय् च्वनिइगु इलय् छगु विपक्षय् मेगु छाय् ?,’ थापां धाःगु खः।
Categorized in राजनीति