कांग्रेस लोकतान्त्रिक पार्टी मजुगु— एमालेया नायः ओली
लहनान्युज | बछला चौथी ११४४, बैसाख २९ शनिवाः
![](https://www.lahananews.com/sites/default/files/umlitumba.jpg)
नेकपा एमालेया नायः केपी शर्मा ओलींं नेपाली कांग्रेस लोकतान्त्रिक पार्टी मजुगु धका धयादीगु दु।
थौ शनिवाः नेकपा एमालेया येँ महानगर कमिटीया अधिवेशन उलेज्या यानादीसे वयकलं कांग्रेस सत्ता स्वार्थय् डुबे जूगु पार्टी खः धका द्धपः बियादीगु खः।
‘नेपाली कांग्रेस थः लोकतान्त्रिक शक्ति मखु, सत्ता स्वार्थय् चुर्लुम्म जुगु शक्ति खः’, वयकं धयादीगु दु, कांग्रेसं संसदय् उपप्रधानमन्त्री लिसे गृहमन्त्री रवि लामिछानेयात न्ववाके मबिउगु खँयात कया धयादीगु दु, थःम्हेसिया द्धपः बिइगु अले उकिया खण्डन याके मबिइगु धइगु लोकतन्त्र जुइ मखु धका धयादीगु खः।
‘कांग्रेस संसद न्ह्याके बिइ मखु धका छाय् धालः ? थःपिन्स न्ववाइ, मेपिन्त द्धपः बिइगु, द्धपः बिइम्ह मनूखं न्ववाय् धका धासाः न्ववाके बिइ मखु। द्धपः बिउगु यात खण्डन याये धका धासा याके बिइ मखु, थज्यागु न लोकतन्त्र जुइ ला ?’, धका ओलीं न्ह्यसः तःगु खः।
Categorized in राजनीति