बाल संगठनया तत्कालीन अध्यक्ष रीता सिंहयात पक्राउ पुर्जी जारी

लहनान्युज | बछला तृतीया ११४४, बैसाख २८ बिहीवाः

बालमन्दिरया जग्गा हिनामिना याःगु द्धपनय् नेपाल बाल संगठनया तत्कालीन अध्यक्ष रीता सिंह वैद्यनाप नीम्हेसित पक्राउ पुर्जी जारी याःगु दु।

करिब २७ दँ तक नेपाल बाल संगठनया अध्यक्ष जुयाच्वम्ह वैद्य व बृहस्पति विद्या सदन, राई स्कुल व विशाल ग्रुपया सञ्चालकनाप नीम्हेसित प्रहरीया केन्द्रीय अनुसन्धान ब्युरो (सीआईबी) न म्हिगः बिहीवाः जिल्ला अदालत काठमाडौं न पक्राउ पुर्जी काये धकुगु दु। सीआईबी न बाल संगठनया पूर्व पदाधिकारीनापं बृहस्पति विद्या सदन व राई स्कुलया प्रिन्सिपल लिसे सञ्चालकविरुद्ध पक्राउ पुर्जी जारी याये धुका उपि बिस्यु वःगु दु।

प्रहरीं उमित मालेगु ज्या यानाच्वंगु दु। सीआईबी न वैद्यनाप बृहस्पति विद्या सदनया सञ्चालक समितिया तत्कालीन अध्यक्ष पुरुषोत्तमराज जोशी, बाल संगठनया तत्कालीन उपाध्यक्ष तुलसीनारायण श्रेष्ठ, तत्कालीन महासचिव गणेशभक्त श्रेष्ठ, तत्कालीन उपमहासचिव सुमन शाक्य, तत्कालीन सदस्य नाप श्रोत लिसे परिचालन उपसमिति संयोजक कृष्णशंकर साह व तत्कालीन महासचिव श्यामकुमार आलेविरुद्ध पक्राउ पुर्जी जारी याःगु खः। संगठनया जग्गा बालं बिइगुलि मिले जुया ज्या यागुलि तत्कालीन मेम्ह महासचिव सुवासकुमार पोखरेल, तत्कालीन कोषाध्यक्ष मनोहर गोपाल श्रेष्ठ, तत्कालीन मेम्ह महासचिव प्रचण्डराज प्रधान व रामकाजी कोने, तत्कालीन उपाध्यक्ष योगेन्द्रबहादुर शाही, तत्कालीन उपकोषाध्यक्ष दीपकदास श्रेष्ठ, बृहस्पति विद्यालय व्यवस्थापन समितिया तत्कालीन अध्यक्ष चीरञ्जीवी तिवारी, सञ्चालक प्रवीणराज जोशीया नामय् सीआईबी न पक्राउ पुर्जी जारी याःगु खः।

पटकपटक जूगु सम्झौताय् दुथ्यापि सकसित सीआईबी न वृहस्पति विद्यासदनया तत्कालीन सञ्चालक मुरारीनिधि तिवारी, वृहस्पति विद्यासदनया सञ्चालकपि श्रद्धा संघाई, अभिनव सिंघानियाँ, सञ्चालक सिद्धार्थ केडिया, राई स्कुलया प्रिन्सिपल कीर्तिप्रसाद पाण्डेविरुद्ध सीआईबी न पक्राउ पुर्जी जारी याःगु खः। पक्राउ पुर्जी जारी जूगु श्रद्धा, अभिनव व सिद्धार्थ विशाल गु्रपनाप सम्बन्धितपि खः।

सञ्चालक लिसे प्रिन्सिपलविरुद्ध पक्राउ पुर्जी जारी जुइवं बृहस्पति विद्या सदन व राई स्कुल संकटय् खने दुगु दु। नेपाल बाल संगठन व बृहस्पति विद्या सदन स्कुल दथुइ २०४९, २०५३, २०५८, २०५९ व २०७२ सालय् पटकपटक याना म्हो जक बाः कया सम्झौता याःगु खः। उगु संगठनय् अध्यक्ष कथं २०४९ सालय् नियुक्त जूम्ह वैद्यं थःगु व्यक्तिगत फाइदा जुगु कथं २८ रोपनी ५ आना १ दाम जग्गा छगु रोपनी दँच्छिया निति ३ लाख ९३ हजार रुपियाँ न बृहस्पति स्कुलयात बिइगु सम्झौता याःगु खः। बाल संगठनपाखे २०५९ भदौ ११ गते जुगु खःसा लिपा ई थपे याना २०८९ साल तक सम्झौताया ई ल्यः दनिइगु खःसा मेगु न्हुगु सम्झौता २१३२ साल तक उगु जग्गा बालं कायेगु ई थपे याःगु खः।

उगु जग्गा छगु रोपनीया ३ लाख ९३ हजार रुपियाँ कायेगु कथं २०७२ साउन ३ गते संगठनपाखे अध्यक्ष वैद्य व बृहस्पति स्कुलयापाखे २०८९ साल तक सञ्चालक पुरुषोतमराज जोशीं सम्झौता याःगुलि बाल संगठनयात करोडौं रुपियाँ हानि नोक्सानी जुगु धका धासे संगठनया वर्तमान नेतृत्वं हे निवेदन बिइगुलि छानबिन यायेत पक्राउ पुर्जी जारी जुगु खः।

बृहस्पतियात जग्गा बालं बिइत संगठनं दँच्छिया ५६ लाख रुपियाँ भाडा बिइगु कथं सम्झौता याःगु खः। बृहस्पतिं बालं कायेगु धुका उगु जग्गा हाकनं ५ रोपनी भारतीय बोर्डपाखे सञ्चालित ‘राई स्कुल’ यात बालं बिया दँय् ६० लाख भाडा काय्गु याःगु खः। बाल संगठनय् स्वंगू दशकतक अध्यक्ष जूयाच्वम्ह वैद्य गणेशमान सिंहया म्ह्याय् व कांग्रेस नेता प्रकाशमान सिंहया तता खः। सीआईबीं बृहस्पति विद्या सदन व राई स्कुलया सञ्चालकयात आर्थिक अनियमितता याःगु द्धपः बिइगु तयारीतक याये धुकुगु दु।

पक्राउ पुर्जी जारी जूपि थुकथं दु

–रिता सिंह वैद्य, तत्कालीन अध्यक्ष, नेपाल बाल संगठन

– तुलसी नारायण श्रेष्ठ, तत्कालीन उपाध्यक्ष, नेपाल बाल संगठन

–गणेशभक्त श्रेष्ठ, तत्कालीन महासचिव

–सुमन शाक्य , तत्कालीन उपमहासचिव

– कृष्णशंकर साह तत्कालीन सदस्य

–श्यामकुमार आले, तत्कालीन महासचिव

–सुवासकुमार पोखरेल, तत्कालीन महासचिव

–मनोहर गोपाल श्रेष्ठ, तत्कालीन कोषाध्यक्ष

– प्रचण्डराज प्रधान, तत्कालीन महासचिव

–राम काजी कोने, तत्कालीन महासचिव

– योगेन्द्रबहादुर शाही, तत्कालीन उपाध्यक्ष