एमालेया परिषद् बैठक निन्हुतक न्ह्याइगु
लहनान्युज | चौलाथ्व द्धादशी ११४४, बैसाख ८ शनिवाः
![](https://www.lahananews.com/sites/default/files/uml-parisad.jpg)
प्रतिनिधि परिषद् बैठकय् २ हजार ४ सय ५४ म्हेसिया ब्बति काइगु जुगु दु धका नेकपा एमालें धाःगु दु।
पार्टी कार्यालय च्यासलय् पत्रकार सम्मेलन यासे एमाले परिषदया बैठक तयारी पूरा जूगु दु धका धाःगु दु। यलया सनराइज हलय् निन्हु तक न्ह्याइगु जुगु दु धका केन्द्रीय सदस्य नीरज आचार्य धाःगु खः।
पार्टीया अध्यक्ष केपी शर्मा ओलीं उलेज्या याइगु उगु बैठकय् २ हजार ७३ म्ह महाधिवेशन प्रतिनिधि, केन्द्रीय सदस्य व केन्द्रीय पदाधिकारीयाना २ हजार ४५४ म्हेसिया ब्बति काइगु जुगु दु धका धाःगु खः।
राष्ट्रिय महाधिवेशनपाखे निर्वाचित केन्द्रीय कमिटी व निकायया समग्र ज्याया समीक्षा नाप माःगु निर्देशन बिइगु निति परिषद् बैठकया ऐतिहासिक महत्त्व दु धका एमालें धाःगु दु।
Categorized in राष्ट्रिय