दीपेन्द्रसिंह ऐरी टी–२० धलखय् अलराउन्डरपाखे ११ गु थासय्
लहनान्युज | चौलाथ्व नवमी ११४४, बैसाख ५ बुधवाः
![](https://www.lahananews.com/sites/default/files/dipendra-ari_0.jpg)
नेपाली राष्ट्रिय क्रिकेट टोलीया दुजः दीपेन्द्रसिंह ऐरी आईसीसी टी–२० धलखय् अलराउन्डरपाखे ११ गु थासय् थ्यंगु दु।
अन्तर्राष्ट्रिय क्रिकेट काउन्सिल (आइसिसी) न जारी यागु न्हुगु धलखय् दीपेन्द्र १४ गु थासं ११ गु थासय् थ्यने ताःलागु खः। अथेहे ब्याटिङपाखे विश्व वरीयताय् १६ थासं सुधार यासे ऐरी ६२ गु थासय् थ्यःगु दु।
ब्याट्सम्यानपिनिगु न्हुगु वरीयताय् नेपाली टोलीया कप्तान रोहितकुमार पौडेल ५३ गु थासय् आसिफ शेख ३६ गु थासं सुधार यासे ७५ गु थासय् थ्यःगु दु। अथेहे कुशल मल्ल गुगु थासय् सुधार यासे १०० गु थासय् थ्यःगु दु।
Categorized in कासा