यलया गोदावरी लागाय् न्ह्यक्वःगु हलिं नेवाः दिवस नापं नेवाः देय् दबू महालक्ष्मी नगर समितिया प्यक्वःगु बुसादँ हंगु दु।

देय् दबूया केन्द्रीय नायः पवित्र बज्राचार्यया मूपाहांसुइ जूगु उगु ज्याझ्वलय् प्यम्हेसित हनेज्या याःगु खः। बागमती प्रदेशय् नेपालभाषायात सरकारी कामकाजि भाषाया रुपय् लागू याकेगु नितिं ऐन निर्माणया नितिं जनस्तरपाखें भूमिका म्हितादीम्ह दबूया स्वनिगः विशेष प्रदेशया नायः नापं पत्रकार श्रीकृष्ण महर्जन, नेपाल स्वयंसेवी रक्तदाता समाजया केन्द्रीय नायः नापं आः तकया दुने दक्ले अप्वः १७७ क्वः हि दान यानादीम्ह प्रेमसागर कर्माचार्य, समाजसेवी चन्द्रबहादुर/सुभद्र श्रेष्ठ नापं समाजसेवी रविन्द्रप्रसाद नेमकुलयात हनापौ लःल्हाःगु खः।

देय् दबू महालक्ष्मी नगर समितिया नायः विजय महर्जनया सभाध्यक्षताय् जूगु उगु ज्याझ्वलय् देय् दबू स्वनिगः विशेष प्रदेशया नायः श्रीकृष्ण महर्जन, हि दान यानादीम्ह प्रेमसागर प्रजापति, कानुन व्यवसायी नरेश श्रेष्ठ लगायतपिन्सं नेवाः तय्गु समस्यानिसें नेवाः तय्गु थीथी सवालयात कया नुगः खः तयादीगु खः।

Categorized in राष्ट्रिय