पत्रकार दबू नं मिसा पत्रकारपिन्त हनिगु
लहनान्युज | चिल्लाथ्व त्रयोदशी ११४४, चैत्र १० शनिवाः
![](https://www.lahananews.com/sites/default/files/misa%3Dpatrakar.jpg)
नेवाः पत्रकार राष्ट्रिय दबू नं ११४ क्वःगु अन्तराष्ट्रिय श्रमिक महिला दिवसया लसताय् खुम्ह मिसा पत्रकारपिन्त साधना पत्रकारितापाखे हनेत्यंगु दु
पत्रकार दबूपाखें थ्व हे सोमवाः मूपाहा कथं उपप्रधान लिसे स्वास्थ्य नाप जनसंख्या मन्त्री उपेन्द्र यादवं खुम्ह मिसा पत्रकारिता ख्यलय् योगदान यानाच्वपिन्त हनेत्यनागु धका ज्याझ्वःया कजि पत्रकार दबूया ल्यु छ्याञ्यजे सुनिता महर्जन जानकारी बियादीगु दु।
संचार ख्यलय् मदिक्क मिसा पत्रकारपिनिगु सः थ्वय्का वयाच्वपि भगवति तिमल्सिना, पवन वर्षा शाह, रीता महर्जन, शान्ति तामाङ्ग, सुनी बनेपाली व यलु जोशीयात हनेत्यनागु खः धका कजि महर्जन जानकारी बियादीगुु खः। पत्रकार दबू न वंगु च्यादँनिसे अन्तराष्ट्रिय नारी दिवसया लसताय् मिसा पत्रकारपिन्त अथे हने ज्या याना वयाच्वंगु खः।
दबूया नायः नृपेन्द्रलाल श्रेष्ठ २००८ सालय् महिला लय्पौया सम्पादक साधना प्रधानया नामय् वंगु दँनिसे वयकःया नामय् साधना पत्रकारिता सम्मानपाखे मिसा पत्रकारपिन्त हनेज्या याना वयागु खः धका धयादीगु दु।
Categorized in राष्ट्रिय