धर्मादित्य धर्माचार्य सिरपा लःल्हात
लहनान्युुज | दिल्लाथ्व नवमी ११३८ ( जुलाई २१ २०१८ )
![](https://www.lahananews.com/sites/default/files/maa.jpg)
मां भाय् पुचः यलया ग्वसालय् थौं छगु ज्याझ्वः दथुइ झिंन्हय् क्वःगु धर्मादित्य धर्माचार्य सिरपा व धर्मादित्य धर्माचार्य हना ज्याझ्वः जुगु दु ।
मूपाहाँ छत्रबहादुर कायस्थं देविचन्द्र श्रेष्ठयात धर्मादित्य धर्माचार्य सिरपा नाप झीद्धः तका व धर्मादित्य धर्माचार्य हना साहित्यकार तिलक प्रकाश कायस्थयात थौं छगु ज्याझ्वः दथुइ हना दिगु खः ।
![](https://www.lahananews.com/sites/default/files/pictures/22_3.jpg)
मूपाहाँ कायष्ठं उगु ज्याझ्वलय् प्रकाश शाक्यया बाखं सफू इमिगु छेँ स्यंकेमतेया बिमोचन न यानादीगु खः ।
उगु ज्याझ्वलय् मूपाहाँ कायष्ठं धर्मादित्य धर्माचार्यया थौं तक न ज्याया कदर याना च्वंगुनि मां भाय् पुचःया प्रशंसा न यानादील ।
![](https://www.lahananews.com/sites/default/files/pictures/23_4.jpg)
पुचःया नायः हेरारत्न शाक्य सभाध्यक्षताय् जुगु उगु ज्याझ्लय् ल्यज्या कवःया नायः डा. पुष्पराज राजकर्णिकार, नेपालभाषा केन्द्रिय विभागया नायः डा. ओमकारेश्वर श्रेष्ठ, नेपालभाषा मंकाः खलः यलया नायः ऋषिप्रसाद श्रेष्ठ, देविचन्द्र श्रेष्ठ व साहित्यकार तिलक प्रकाश कायस्थ न थःथःगु नुगः खँ तयादीगु खः ।