प्रधानमन्त्री प्रचण्ड विश्वासया मत कायेत ताःलात
लहनान्युज | चिल्लाथ्व तृतिया ११४४, फागुन ३० बुधवाः
![](https://www.lahananews.com/sites/default/files/prav.jpg)
प्रधानमन्त्री पुष्पकमल दाहाल प्रचण्ड थौ प्रतिनिधिसभाय् विश्वासया मत काःगु दु। सभामुख देवराज घिमिरे प्रतिनिधिसभा बैठकय् विश्वासया मतसम्बन्धी प्रस्ताव निणयार्थ प्रस्तुत यायेगु झ्वलय् बहुमत सांसदं मत ब्यूगु खः।
मत विभाजन जुयाः कुल २६८ मत कुतुवंगुलिं प्रचण्डं १५७ कयाः बहुमत काउगु खःसा सभामुखं विश्वासया मत काःगु घोषणा याःगु खः। प्रचण्डया विपक्षय् ११० मत लाःगु दुसा छम्ह सांसद तटस्थ च्वंगु दु।
कांग्रेस नाप गठबन्धन तोडे यानाः प्रधानमन्त्री प्रचण्डं वंगु फागुन २१ गते मन्त्रिपरिषद् पुनर्गठन याःगु खः।
Categorized in राष्ट्रिय