भरतपुर महानगराया मेयर रेनु दाहाल ‘इन्टरनेसनल मेयर अवार्ड’ पाखे सम्मानीत
लहनान्युज | सिल्लागा त्रयोदशी ११४४, फागुन २५ शुक्रवाः
![](https://www.lahananews.com/sites/default/files/rra_0.jpg)
भरतपुर महानगरपालिकाया मेयर रेनु दाहालयात ‘इन्टरनेसनल मेयर अवार्ड’ पाखे सम्मानीत जुगु दु। बेलायतया संसद् भवन ‘हाउस अफ कमन्स’ या ग्वसालय् वंगु चान्ह्यः उगु अवार्ड लःल्हागु खः।
अथे हे मेयर रेनुनापं लन्डनया मेयर खानयात लोकल गभर्नमेन्ट अवार्ड व राष्ट्रपति फकिमयात इन्टरनेसनल वम्यान अफ द इयर अवार्ड लःल्हागु खः। उगु ज्याझ्वलय् पोलिटिकल एन्ड पब्लिक लाइफ अवार्ड अन्तर्गत बेलायतलगायत थीथी देय् पाखे २४ म्हेसित उगु अवार्ड लःल्हागु खः।
ज्याझ्वलय् बेलायतया उपप्रधानमन्त्री ओलिभर डाउडेन, प्रमुख विपक्षी दल लेबर पार्टीया उपनेता एन्जेला रेनर, सीप लिसे शिक्षासम्बन्धी राज्यमन्त्री रोर्बट हालफन, लेवर पार्टीया अन्तर्राष्ट्रिय व्यापार छायामन्त्री ग्यारेथ थोमस, भारतया पूर्वमन्त्री सुरेश प्रभु, मौरिससया पूर्वराष्टपति अमिना गुरिब फकिम, बेलायत वेल्स राज्यया सांसद नतासा अस्गरयात न अवार्ड लःल्हागु खः।
Categorized in राष्ट्रिय