शेयर बजाः थौ निगु ल्याखं थहावन
शोभा श्रेष्ठ | सिल्लागा द्धादशी ११४४, फागुन २४ बिहीवाः
शेयर बजाः थौ निगु ल्याखं थहावंगु दु। थौ शेयर बजाः परिसूचक नेप्से १३ दशमलव ५१ अङ्कं थहावना २ हजार ३० दशमलव ५५ बिन्दुइ थ्यःगु दु।
होटल लिसे पर्यटन, व्यापार व म्यूचुअल फण्ड बाहेक दक्को समूहया शेयर थहावंगुलि जलविद्युत् व निर्जीवन बीमा समूहया शेयर यक्को थहावःगु दु।
पिपुल्स हाइड्रोपावरया शेयर १० प्रतिशतं थहावना सकरात्मक सर्किटय् वःगु दु। समग्र बजाः थहावंसा साम्लिङ पावर कम्पनीया शेयर ५ प्रतिशत स्वया अप्पो कुहावःगु दु।
थौ ८९ लाख २९ हजार कित्ता शेयर ३ अर्ब १९ करोड रुपैयाँया कारोबार जूगु दु। दकलय् अप्पो नेपाल रिइन्सुरेन्स कम्पनीया शेयर ५६ करोड रुपैयाँया कारोवार जुगु दु।
Categorized in राष्ट्रिय