येँ महानगरविरुद्ध कवाडी व्यवसायतयेस प्रदर्शनयात
लहनान्युज | सिल्लागा षष्ठी ११४४, फागुन १८ शुक्रवाः
![](https://www.lahananews.com/sites/default/files/kawadi.jpg)
कवाडी व्यवसाय सञ्चालन याके मबिउगु धासे कवाडी व्यवसायी तयेस येँ महानगरपालिकाविरुद्ध प्रदर्शन याःगु दु।
येँ महानगरपालिकाय् दर्ता जूगु व्यवसाय चिइकेगु धका वडा कार्यालयं छ्वं पत्रयात कया विरोध यासे कवाडी व्यवसायी तय्सं प्रदर्शन याःगु खः। उमिसं अनाधिकृत कथं कवाड चिइकेगु ज्या बन्द याः, अदालतया निर्णय सम्मान याः, कानुनी शासन लागू याः, जिमिगु व्यवसायय् जूगु हस्तक्षेप बन्द याः ज्वनातःगु प्लेकार्ड ज्वना प्रदर्शन याःगु खः।
येँ महानगरपालिकाया रिङरोड दुने कवाडी व्यवसाय चिइकेगु नीतिया विरुद्ध व महानगरपालिका दुने थीथी वडा कार्यालयपाखे कवाडी व्यवसायदर्ता नवीकरण मयागु धासे उकिइ आपत्ति प्वकूगु खः।
Categorized in राष्ट्रिय