‘मातृभाषा पत्रकारिताया महत्व’ अन्तरक्रिया ज्याझ्वः क्वचाल
लहनान्युज | सिल्लाथ्व त्रयोदशी ११४४, फागुन १० बिहीवाः
![](https://www.lahananews.com/sites/default/files/matri_1.jpg)
अन्तर्राष्ट्रिय मातृभाषा दिवसया लसताय् नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबुलिं ‘मातृभाषा पत्रकारिताया महत्व’ विषयस अन्तरक्रिया ज्याझ्वः जूगु दु।
दबूया नायः नृपेन्द्रलाल श्रेष्ठया सभाध्यक्षताय् जुगु उगु ज्याझ्वलय् नेपालभाषं पिहावयाच्वंगु अनलाइन, पत्रिका, टेलिभिजन नाप रेडियोय् ज्या यानाच्वपि पत्रकारपिन्स ब्बति कयादीगु खः।
ज्याझ्वःया मूवक्ता कथं नेपालभाषा टाईम्सया सम्पादक सुरेशकिरण मानन्धरं मातृभाषा पत्रकारिताया महत्वया बिषय न्ववानादीगु खः।
ज्याझ्वःया कजि दबूया ल्युदांभरि तेजनारायण महर्जनं न्ह्याकादिगु उगु ज्याझ्वलय् दबूया पदाधिकारी नापं थीथी मिडियाय् ज्या यानाच्वपिन्स ब्बति कयादीगु खः।
Categorized in राष्ट्रिय