एमबाप्पे स्पेनिस क्लब रियाल मड्रिड वनिइगु
क्षितिज श्रेष्ठ | सिल्लाथ्व द्धादशी ११४४, फागुन ९ बुधवाः
![](https://www.lahananews.com/sites/default/files/eabapay.jpg)
पेरिस सेन्ट जर्मन (पीएसजी) युवा फरवार्ड किलियन एमबाप्पे स्पेनिस क्लब रियाल मड्रिड वनेगु सहमत जूगु दु।
फ्रान्सया २५ दँया कप्तान एमबाप्पे व पीएसजी दथुइ जूगु सम्झौता थ्व हे जुनय् क्वचाइगु जुगु दु। बीबीसीं धाःगु कथं एमबाप्पे व रियाल दथुइ आधिकारिक सम्झौता धाःसा जूगु मदुनि।
फ्रान्सं सन् २०१८ या विश्वकपया उपाधि त्याकिइगुलि एमबाप्पे न दुथ्याम्ह खः। पीएसजीया लागि कीर्तिमानी २४४ गोल याये धुकुगु दु।
अन्तर्राष्ट्रिय सञ्चारमाध्यमया कथं एमबाप्पे न रियाल मड्रिड नाप न्यादँया लागि सम्झौता यायेत्यःगु खः। एमबाप्पेयात पारिश्रमिक छगु सिजनय् १५ मिलियन युरो व सम्झौतापाखे १५० मिलियन युरो बोनस दइगु जूगु दु।सिल्लाथ्व एकादशी ११४४, फागुन ८ मंगलवाः
Categorized in कासा