नेकपा एमालेया खुम्ह केन्द्रीय सदस्यं शपथ कागु दु। पार्टी मुख्यालय च्यासलय् छगु ज्याझ्वः दथुइ अध्यक्ष केपी शर्मा ओलीं न्हुपि दुजःतय्त पद नाप गोपनीयताया शपथ बिःगु खः।

सिरहाया रामअवतार यादव, संखुवासभाया तुलसीप्रसाद न्यौपाने, नुवाकोटया केशवराज पाण्डे, बैतडीया दामोदर भण्डारी, दैलेखया विनोद शाह व झापाया दीपक कार्कीयात वंगु पुस १० या सचिवालय बैठकं केन्द्रीय सदस्यय् मनोनीत याःगु खः।

मनोनीत खुम्ह मध्ये न्याम्ह पूर्वप्रदेश अध्यक्ष खःसा कार्की झापा जिल्लाया अध्यक्ष खः।

Categorized in राष्ट्रिय