येँ महानगरपालिकाया उपप्रमुख नापं अनुगमन लिसे मुल्याङ्कन समितिया संयोजक सुनिता डंगोलं, योजना अनुगमन यावने न्ह्यः दक्का् प्रक्रिया पूरा यायेत इनाप याःगु दु ।

थःगु कार्यकक्षय् च्वंगु समितिया बैठकय् वयकलं धयादीगु दु, ‘योजनाया लागत अनुमान, ड्रइङ् डिजाइन, सार्वजनिक खरिद प्रक्रियाय वने न्ह्यः सर्त, निर्माण पक्षनाप याःगु सम्झौताया बुँदातक सम्बन्धित प्रगतिया प्रारम्भिक सूचनानापं प्रतिवेदन तयार यायेमाः ।

थुकिया आधारय् प्राविधिक कया अनुगमन न्ह्यानेमाः।’ ‘योजना क्वचाय् धका याइगु  अनुगमन स्वया ज्या जुयाच्वंगु इलय् याइगु अनुगमन प्रभावकारी जुइ । उगु इलय् अनुगमनय् भचा द्धकूसा मिले यायेगु ई दइ। तसकं द्धकूगु दु सा योजना रोके याना हाकन द्धकेगुपाखे बचे जुइ फइ।’ धका वयकलं धयादीगु दु।

उगु बैठकय् प्रमुख प्रशासकीय अधिकृत बसन्त अधिकारीं, संघ लिसे प्रदेश सरकारं तर्जुमा याःगु योजना अनुगमनया सूचंयात आधार माने याना महानगर थःम्हेसिया हे सूचं दयका न्ह्यावने माः धका धयादीगु खः।

Categorized in राष्ट्रिय