शेयर बजाः थौ मङ्गलवाः न थहावंगु दु। म्हिगः सोमवाः १५ अङ्कं घटे जूगु शेयर बजाः परिसूचक नेप्से थौं ३६ दशमलव ८६ अङ्कं थहावना १ हजार ९ सय ८५ दशमलव ४४ विन्दुइ थ्यंगु दु।

थौं दक्को समूहया शेयर थहवना बीमा, होटल लिसे पर्यटन, उत्पादन लिसे प्रशोधन, हाइड्रोपावर, विकास बैंक, व्यापार, माइक्रोफाइनान्स, फाइनान्स समूहया शेयर तसकं थहावंगु दु।

बोटलर्स नेपाल, धौलागिरि लघुवित्त, नेपाल रिपब्लिक मिडिया, सोनापुर मिनरल्स एन्ड आयल लिमिटेडया शेयर १० प्रतिशतं थहावंगु दु।

समग्र बजाः थहवनां थौ सीवाईसी नेपाल लघुवित्तया शेयर ५ प्रतिशत स्वया अप्पो कुहावःगु दु। थौ १ करोड २४ लाख कित्ता शेयर ४ अर्ब ३० करोड रुपैयाँया कारोबार जूगु दु।

दकलय् अप्पो शिवम् सिमेन्ट्सया १८ करोड रुपैयाँया शेयर कारोवार जुगु दु।

Categorized in राष्ट्रिय