तारकेश्वर नगरपालिकास्थित धर्मस्थलीइ क्षमता अभिवृद्धि तालिम सञ्चालन जुगु दु। स्थानिय मिसा व ल्याय्म्ह तयेत क्षमता विकास यायेत दक्ष जनशक्ति उत्पादन यायेगु उद्देश्यं तालिम यानागु धका धमाथू नेवाः ग्वहालि पुचः न धाःगु दु।

उद्घोषण, संस्थागत संरचना स्यनेगु निति छवाः तक तालिम सञ्चालन यायेत्यःगु खः। तालिम ज्याझ्वःया उलेज्या समाजसेवी श्रीकृष्ण मानन्धरं स्थानिय मिसा व ल्याय्म्ह तय्गु निति सीप, क्षमता व दक्षता अभिवृद्धि यायेगुलि बःबिगु खः।

तालिम ज्याझ्वःया संयोजक रविकुमार डंगोलं अन्तर्निहीत क्षमताया विकासं मनूया वास्तविक म्हसिका स्थापित यायेगु जुइ धका धयादीगु खः।

मौलिक हकअधिकारया विषय, प्रशासनीक व्यवहार व प्रस्तुति शैलीयात मिले याना यकेत थज्यागु तालिम मदय्क मगाः धका धयादीगु खः।

Categorized in राष्ट्रिय