नेप्से ९ दशमलव ८७ अङ्कं थहावनं
लहनान्युज | कछलाथ्व एकादशी ११४४, मंसीर ७ बिहीवाः
![](https://www.lahananews.com/sites/default/files/stock_25.jpg)
शेयर बजाः थौं बिहीवाः हाकन थहावंगु दु। म्हिगः बुधवाः २० अङ्कं थहावंगु शेयर बजाः परिसूचक नेप्से थौं ९ दशमलव ८७ अङ्कं थहावना १ हजार ८ सय ६० दशमलव २० विन्दुइ थ्यःगु दु।
थौं बैंकिङ, माइक्रोफाइनान्स व मेगु समूहया शेयर सामान्य थहावंगु दु। दकलय् अप्पो थौं बुद्धभूमि नेपाल हाइड्रोपावर कम्पनीया शेयर १० प्रतिशतं थहावःगु दु।
समग्र बजाः थहावंसा थौं दकलय् अप्पो नबिल बैंकया शेयर ८ प्रतिशत स्वया अप्पो कुहावंगु दु। ४४ लाख २० हजार कित्ता शेयर १ अर्ब ३४ करोड ८३ लाख रुपैयाँया थौं कारोबार जूगु दु।
दकलय् अप्पो नबिल बैंकया १३ करोड १० लाख रुपैयाँया शेयर कारोवार जूगु दु।
Categorized in राष्ट्रिय