शंखधर दिवस
लहनान्युज | कछलाथ्व दशमी ११४४, मंसीर ६ बुधवाः
थौं राष्ट्रिय विभूति शंखधर दिवस ।
शंखधर साख्वाःयात सरकारं राष्ट्रिय विभूति घोषणा याःगु दिंयात ‘शंखधर दिवस’ कथं हनेगु याना वयाच्वंगु खः । थ्व लसताय् थौं थीथी थासय् थीथी ज्याझ्वः जुइगु . ग्वसाः दु ।
सुथय् शंखधर झ्वाताय् ज्याझ्वः
थ्व लसताय् थौं पद्मरत्न लुमंति गुथिपाखें सुथय् ७ः३० बजे शंखधर उद्यानय् शंखधर दिवस न्यायेकाच्वंगु दु । उद्यान दुने च्वंगु शंखधरया झ्वाताय् स्वांमाः देछायाः थ्व दिवस हनेत्यंगु खः । शंखधर पार्कय् येँ महानगरपालिकाया पुलांम्ह मेयर विद्यासुन्दर शाक्यया पालय् शंखधरया झ्वाताः पलिस्था याःगु खः ।
लखुतिर्थय् ज्याझ्वः
लखु तिर्थय् नं शंखधर दिवस न्यायेकीगु ज्याझ्वः दु । नेपाल संवत् न्हूदँ राष्ट्रिय समारोह समितिपाखें थौं सुथय् थ्व दिवस न्यायेकाच्वंगु खः । शंखधरया जीवनीलिसे लखु तिर्थया स्वापू दु ।
प्रज्ञा भवनय् प्रमयात हना थौं शंखधर दिवसया हे लसताय् लाकाः प्रधानमन्त्री पुष्पकमल दाहालयात नं हनीगु ज्याझ्वः दु । प्रम दाहालं नेपाल संवत्यात सरकारी ज्याखँय् नं छ्यला यंकेगु धकाः निर्णय याःगुलिं वय्कःयात नेपाल संवत् न्हूदँ राष्ट्रिय समारोह समिति व थीथी नेवाः खलः पुचःतय्सं मंकाः रुपं हनेत्यंगु खः । प्रज्ञा भवनय् उगु सभा जुइ न्ह्यः येँया असनय् मुनाः बाजं सहित प्रज्ञा भवन तक ¥याली न्ह्याकेगु ज्याझ्वः दयेकातःगु दु ।
सनिलय् ज्याझ्वः
अथे हे थौं हे सनिलय् शंखधर उद्यानस्थित शंखधर साख्वाःया झ्वाताय् मेगु ज्याझ्वः नं जुइत्यंगु दु । नेपाल संवत् न्हूदँ राष्ट्रिय समारोह समितिया ग्वसालय् थ्व ज्याझ्वः जुइत्यंगु खः ।
किपुलिइ नं हनेज्या थौं किपूया प्रज्ञा दबुलिइ नेवाः देय् दबूया किपू समितिपाखें नं शंखधर दिवस हनेत्यंगु दु।
Categorized in राष्ट्रिय
