चीनं समुन्द्री उपग्रह प्रक्षेपणयात
लहनान्युज | कछलाथ्व अष्टमी ११४४, मंसीर ५ मंगलवाः
![](https://www.lahananews.com/sites/default/files/chin.jpeg)
चीनं न्हुगु पुस्ताया समुन्द्री उपग्रह प्रक्षेपण याःगु दु। चीनं न्हुगु पुस्ताया महासागर रङ अनुगमन उपग्रह अन्तरिक्षय् छ्वंगु दु।
उकि मध्ये समुन्द्री लः सुधार ग्वाहालि याइ। थुकिइ हलिमयय् न्हापागु उच्च परिशुद्धता महासागर रंग अवलोकन उपग्रह खः । उकिइ हलिमयया थीथी लःया निकाययात लक्षित याइ। थुकिइ लःया रंग, लःया तापक्रम, समुन्द्री बरफ, निलम्वित पदार्थ व लःया पारिस्थितिया बारेय् अनुसन्धान याइ।
चीनया राष्ट्रिय अन्तरिक्ष प्रशासन अन्तर्गत पृथ्वी अवलोकन व डाटा केन्द्रया उपप्रमुख इन्जिनियर मेङ लिङ्जीं उपग्रह न चीनया मू समुन्द्री मार्गयात रिमोट सेन्सिङ सेवा लःल्हाइ धका धाःगु दु। नापं न्याँ लःहिइगु स्रोतया उपयोग व समुन्द्री प्रदूषण अनुगमनयात न स्वइ धका धाःगु दु।
थुगु उपग्रह उत्तरपश्चिम चीनया जिउक्वान स्याटेलाइट प्रक्षेपण केन्द्रं लङ मार्च–२सी क्यारियर रकेटपाखे प्रक्षेपण याःगु खः।
Categorized in अन्तर्राष्ट्रिय