साहित्यकार नाप संस्कृतिकर्मी सूर्यप्रसाद लाकोजूया “पनौतीका केही जात्रापर्वहरू”या निगुगु संस्करण पितब्बज्या जुगु दु।

उगु सफू छगु ज्याझ्वः दथुइ संस्कृतिकर्मी लिसे इतिहासकार प्रा.डा. पुरुषोत्तमलोचन श्रेष्ठ, पनौती नगरपालिकाया नगरप्रमुख रामशरण भण्डारी, निवर्तमान नगर प्रमुख भीम न्यौपाने व च्वमि सूर्य लाकोजूपिन्स मंकाः कथं विमोचन यानादीगु खः।

उगु ज्याझ्वलय् विशिष्ट अतिथि डा.पुरुषोत्तमलोचन श्रेष्ठं नेपाःया इतिहासय् पनतिया थाय् दकलय् च्वय् दु व पनति ऐतिहासिक  थाय् या बारेय् मालिइगु ज्याय् थुगु सफूति च्वयातःगु पनतिया जात्रापर्व सान्दर्भिक सफू जुगु धका धयादीगु खः। मेम्ह विशिष्ट पाहाँ पनौती नगरपालिकाया नगरप्रमुख रामशरण भण्डारीं पनति म्हसिकेगु निति थुगु सफूति यक्को ग्वाहालि जुइ धका धयादीगु खः।

निवर्तमान नगर प्रमुख भीम न्यौपानें देय् या तिसा कथं लाकोजूया सफू पनतिइ च्वपिनिगु जक मखु सकसित खल् धका धयादीगु खः। टिप्पणीकार तुयुकाजी ताम्राकार, समाजसेवी लिसे पनौती पर्यटन विकास केन्द्रया अध्यक्ष पुरुषेत्तम कर्माचार्य, वडा अध्यक्ष सविन ताम्राकार, पुरुषोत्तम अधिकारी, शम्भुलाल श्रेष्ठ लगायतपिन्स सफू सकसिया ब्बनेमाःगु धका बिचाः तयादीगु खः।

Categorized in राष्ट्रिय