नेवाः सरोकार मञ्चया घोषणा
लहनान्युज | कौलागा आमै ११४३, कार्तिक २७ सोमवाः
पहिचानया आन्दोलनयात न्ह्यःने यंकेगु नितिं नेवाः सरोकार मञ्च नांया संस्था घोषणा याःगु दु।
येँया नेपाः ब्यांक्वेटय् न्हूदँया लसताय् वंगु शनिवाः जूगु छगू ज्याझ्वलय् थथे सरोकार मञ्चया घोषणा याःगु खः। थुगु सरोकार मञ्चया संयोजक कथं डा. केशवमान शाक्ययात ल्यःगु दु।
संयोजक शाक्यं शनिवाःया ज्याझ्वलय् मञ्चया ज्याखँयात कयाः कार्यपत्र न्ह्यब्वयादीगु खः। उगु कार्यपत्रयात कयाः पहिचानवादी नेता कथं म्हसीका दुपिं मुक्ति प्रधान, दिलीप महर्जनलिसें थीथी व्यक्तिपिन्सं न्वःवानादीगु खः।
ज्याझ्वलय् न्हूदँ समारोह समितिया नायः प्रा.डा.नरेशमान बज्राचार्यं न्हूदँया लसताय् सकलसित भिंतुना देछानादीगु खःसा नेवाः अभियन्ता सुजीव बज्राचार्यं सकलसित कःघानाः नेवाः सरोकार मञ्च न्ह्याकेमाःगु विचाः तयादीगु खः।
ज्याझ्वःरुपा महर्जनं न्ह्याकादीगु खः।
Categorized in राष्ट्रिय