बौद्ध विद्धान सर्वज्ञ रत्न बज्राचार्यया च्वया बिज्यागु स्वन्ति नखःया पुजा विधि सफूया उजेज्या जूगु दु।

रत्नकीर्ति महाविहार अध्ययन मण्डलया ग्वसालय् जूगु उगु ज्याझ्वलय् मखं बहाःया अध्यक्ष विद्यामान बज्राचार्य, च्वमि बौद्ध विद्धान सर्वज्ञरत्न बज्राचार्य, बौद्ध विद्धान जीतेन्द्र विलास बज्राचार्य व नेवाः संस्कृति व बौद्ध ज्ञाता मदनसेन बज्राचार्यपिन्सं मंकाः कथं बिमोचन याःगु खः।

उगु ज्याझ्वलय् च्वमि सर्वज्ञरत्न बज्राचार्यं सफूया बारे कनादिगु खःसा मदन सेन बज्राचार्य, धर्मोदय सभाया महासचिव सागरमान बज्राचार्य व जीतेन्द्र विलास बज्राचार्यं नेवाःतसें थःगु परम्परागत नखःचखः हनेबलय् याय्माःगु ज्याखँया विषययात कःघाना थःथःगु नुगः खँ प्वंका बिज्यागु खः।

उगु ज्याझ्वः जीतेन्द्र विलास बज्राचार्यया सभाध्यक्षताय् जुगु खःसा रविन्द्र बज्राचार्यंं लसकुस यानादीगु खः।

Categorized in राष्ट्रिय