नेपालभाषाया प्यंगःथां मध्ये छगः थांया रुपय् स्थापित जुयादीम्ह ख्वपया मास्टर जगतसुन्दर मल्लया १४१ दँ बुदिं क्वः पुृजा कार्तिक २५ गते शनिवाः हने ज्या जुगु दु।

मस्तय्त मां भासं आखः स्यनेमाः धकाः न्हापांखुसी प्रचार यानादीम्ह वय्कःया बुन्हि जगत सुन्दर ब्वनेकुथि हने ज्या जुगु खः। न्हूदँ समारोह समिति ११४४ या नायः प्रा.डा.नरेशमान बज्राचार्यया मूपाहांसुइ उगु ज्याझ्व जुगु खः।

ब्वनेकुथिया न्वकु विष्णु चित्रकारया सभाध्यक्षताय् जुगु उगु ज्याझ्वलय् मन्दः च्वज्या, च्वखँ च्वज्या व कार्ड च्वज्याय् तालांपिन्त मूपाहाँपाखे दसिपौ व नगद सिरपा नं लःल्हाय्गु ज्या जुगु खः।

ब्वनेकुथिया ब्वमिपिं रविना श्रेष्ठ, कीर्ति नकःमि, पल्पसा बज्राचार्यपिन्सं जगत सुन्दर मल्लया व्यत्तित्व व जीवनीयात कःघाना च्वयातःगु रचना वाचन याय्गु ज्या जूगु खः ।

Categorized in राष्ट्रिय