नेप्से निगु ल्याखं थहावनं
शोभा श्रेष्ठ | कौलागा नवमी ११४३, कार्तिक २० सोमवाः
![](https://www.lahananews.com/sites/default/files/nepse_36.jpg)
शेयर बजाः थौं सोमवाः निगु ल्याखं थहावंगु दु। म्हिगः आइतवाः साढे २१ ल्याखं कुहावंगु शेयर बजाः परिसूचक नेप्से थौं २१ दशमलव ३० ल्याखं थहावना १ हजार ८ सय ४७ दशमलव ५४ विन्दुइ थ्यःगु दु।
थौं दक्को समूहया शेयर थहावःगु दु। दकलय् अप्पो हाथवे इन्भेस्टमेन्ट नेपालया शेयर १० प्रतिशत व सिद्धार्थ प्रिमियर इन्सुरेन्सया शेयर १० प्रतिशत स्वया अप्पो थहावःगु दु।
समग्र बजाः थहावःसा लक्ष्मी लघुवित्त व विन नेपाल लघुवित्तया शेयर ४ प्रतिशतं कुहावःगु दु। ३५ लाख ५५ हजार कित्ता शेयर ९३ करोड ८९ लाख रुपैयाँया बरावबर थौं कारोबार जूगु दु।
दकलय् अप्पो सोल्टी होटलया ६ करोड ४३ लाख व सोनापुर मिनरल्स एन्ड आयल कम्पनीया ५ करोड ६२ लाख रुपैयाँया शेयर कारोवार जूगु खः।
Categorized in राष्ट्रिय