श्रीलंकन क्रिकेट बोर्ड बर्खास्त
कौलागा नवमी ११४३, कार्तिक २० सोमवाः
![](https://www.lahananews.com/sites/default/files/shrr.jpg)
भारतय् जुयाच्वंगु आईसीसी एकदिवसीय विश्वकपय् खराब प्रदर्शन यायेवं श्रीलंकन सरकारं श्रीलंका क्रिकेट बोर्डयात बर्खास्त याःगु दु।
विश्वकपय् भारतनापं ३०२ रनं पराजित जुइवं श्रीलंकाया खेलकुद मन्त्रालयं क्रिकेट बोर्डया कार्यसमितियात बर्खास्त याःगु खः। उकिया थासय् न्हुगु अन्तरिम समिति गठन याःगु दु। लगातार खराब प्रदर्शन यायेवंपछि श्रीलंकाया खेलकुद मन्त्री रोशन रानासिंघें क्रिकेट बोर्डयात ‘देशद्रोही व भ्रष्ट’ या द्धपं बिःगु दु।
खराब प्रदर्शनया कारण क्रिकेट बोर्डया मुख्यालय न्ह्यने समर्थक तय्स प्रदर्शन यायेवं बोर्डया सचिव मोहन डी सिल्भां राजीनामा बिःगु खः। वयालिपा खेलकुद मन्त्रालयं ल्यःदुपि दक्को दुजः तयेत न बर्खास्त यासे विश्वकप विजेता पूर्वकप्तान अर्जुना रानाटुंगाया नेतृत्वय् न्हुगु अन्तरिम समिति गठन याःगु खः।
अन्तरिम कमिटीइ रानाटुंगानापं श्रीलंका सर्वोच्च अदालतया निम्ह पूर्वन्यायाधिसनापं न्ह्यम्ह दुजः दुगु कमिटि गठन याःगु खः।
Categorized in कासा