भाषासेवीनापं न्हूदँ समारोह समितिया पुलांम्ह सचिवालय दुजः देवदास मानन्धर मन्त । वय्कः म्हिगः आइतवाः सनिलय् मदुगु जानकारी वय्कःया किजाः नारायणदास मानन्धरं जानकारी बिःगु दु।

मदुम्ह देवदास मानन्धर म्हिगः आइतवाः सनिलय् नमन केयर सेन्टरय् मदुगु खः। निदँ न्ह्यःनिसे वय्कःयात ब्रेन ह्येमरेज जूगुलिं सुसाकुसा यायेगु नितिं नमन केयर सेन्टरय् तयातःगु खः ।

वय्कःया छम्ह काय् व निम्ह म्ह्याय् लिसें जहान दी। छम्ह तःधिकःम्ह म्ह्याय् अमेरिकाय् च्वनाच्वंगु खः । मदुम्ह मानन्धरया अन्तिम संस्कार वइगु बुधवाः जुइगु खँ वय्कःया छेँजःपिन्सं जानकारी ब्यूगु दु।

Categorized in राष्ट्रिय