झीदँ लिपा नेपाः टी–२० विश्वकप क्रिकेटय् थ्यन
क्षितिज श्रेष्ठ | कौलागा षष्ठी ११४४, कार्तिक १७ शुक्रवाः
![](https://www.lahananews.com/sites/default/files/nep-fa.jpg)
नेपाः झीदँ लिपा टी–२० विश्वकप क्रिकेटय् छनोट जूगु दु। थौं शुक्रवाः मूलपानी मैदानय् संयुक्त अरब इमिरेट्स (युएई) यात च्यागू विकेटं बूका नेपाः सन् २०२४ या जुनय् अमेरिका व वेष्ट इन्डिजय् जुइगु टी–२० विश्वकपय् छनोट जुइत ताः लागु खः।
थ्व स्वया न्ह्यः नेपालं सन् २०१४ य् बंगलादेशय् जूगु टी–२० विश्वकप कासा म्हितूगु खः। मूलपानी मैदानय् युएई न बिःगु १३५ रनया लक्ष्य पूरा यायेगु झ्वलय् नेपाःया आशिफ शेखं दकलय् अप्पो ६३ रन दयकूगु खः।
अथेहे कप्तान रोहित पौडेलं ३५, गुल्सन झा न २२, कुशल भुर्तेलं ११ रन दयकूगु खः।
Categorized in कासा