लुम्बिनी ऊर्जा कम्पनीया आईपीओ पिहावलं
शोभा श्रेष्ठ | कौलागा पंचमी ११४४, कार्तिक १६ बिहीवाः
![](https://www.lahananews.com/sites/default/files/ipo_2.jpg)
सर्वसाधारणया लागि बिहीवाः निसे भिजन लुम्बिनी ऊर्जा कम्पनीया प्राथमिक सेयर (आईपीओ) या आवेदन खुल्ले जूगु दु।
कम्पनीं आयोजना प्रभावित क्षेत्रय् च्वपि स्थानीय तयेसं मन्याःगु सेयर तकं थपे याना कुल २० लाख ७५ हजार २८५ कित्ता सेयर सर्वसाधारण तय्त मिइत्यःगु खः। छगू कित्ताया सच्छिया दरं कम्पनीया आईपीओ खुल्ले याःगु खः।
कात्तिक २० गतेतक आईपीआ आवेदन बिइफइगु जूगु दु। थ्व स्वया न्ह्यः आयोजना प्रभावित स्थानीय तय्सं मन्याःगु ४ लाख ८७ हजार ९१० कित्ता सेयर थप याना कम्पनीं सर्वसाधारणतयेत निष्कासन याःगु खः।
आईपीआ म्होतिनं १० कित्ताया लागि आवेदन बिइमाःगु दु सा अप्पो ३ लाख ८० हजार कित्ता सेयरया लागि आवेदन बिइफगु जूगु दु।
Categorized in राष्ट्रिय