येँ महानगर २७ वडाय् स्थानीय त्वाःबहाःया नां रञ्जना लिपिं तयेगु अभियान न्ह्याकूगु दु। लिसें अन त्वाःया मौलिक नां तयेगु ज्या नं शुरु जूगु दु ।

बागमती प्रदेश सरकारं नेपालभाषा व तामाङ भाषायात सरकारी ज्याखँया भाषा दयेकेगु कानुन पारित यायेवं उकियात हे तिबः बी कथं येँ महानगर २७ वडाय् त्वाःया मौलिक नां रञ्जना लिपिं तयेगु अभियान शुरु जूगु खः ।

येँ महानगर २७ वडा अध्यक्ष योगेश कुमार खड्गीं आः अन ३५ गू त्वाःया नां नेवाः भासं रञ्जना लिपि छ्यलाः तयेगु ज्या जुइ धुंकूगु दु। नां तयेगु अभियान शुरु जुइवं त्वाःबहाःपिंसं अझ थप नां उपलब्ध याना बिउगुलिं आः हानं मेगु १० गू थप त्वाःया नां तयेगु तयारी जुयाच्वंगु दु धका धाःगु दु।

रञ्जना लिपिया साइनबोर्ड तयेगु ज्या वडाया थःगु हे बजेटं न्ह्याकूगु खः ।

Categorized in राष्ट्रिय