आईसीसी एकदिवसीय विश्व कप क्रिकेटय् दक्षिण अफ्रिकां पाकिस्तानयात छगू विकेटं पराजित याःगु दु।

२ सय ७१ रनया लक्ष्य ज्वना दक्षिण अफ्रिकां ४७ ओभर २ बलय् ९ विकेटय् उगु लक्ष्य पूरा याःगु खः । दक्षिण अफ्रिकाया एडेन मारक्रमं ९१ रन दयकूगु खः। बलिङय् पाकिस्तानया शाहिन शाह अफ्रिदीं स्वंगू विकेट काःगु खः।

टस त्याका न्हापां ब्याटिङ याःगु पाकिस्तानं ४६ ओभर ४ बलय् २ सय ७० रन दयकूगु खः। पाकिस्तानया कप्तान बाबर आजमं ५० व साउद साकिलं ५२ रन दयकूगु खः। दक्षिण अफ्रिकी बलर ताब्रिज साम्सीं प्यंगू विकेट काःगु खः।

थुगु कासा लिपा दक्षिण अफ्रिका अङ्क तालिकय् दकलय् च्वय् थ्यःगु दु। दक्षिण अफ्रिाकाया खुगु कासाय् १० अङ्क व भारतया न १० अङ्क थ्यःगु दु। तर नेट रन रेटया आधारय् निगुगु थासय् लाःगु दु। पाकिस्तानया ४ अङ्कय् जक सीमित जूगु दु।

Categorized in कासा