चीनया पूर्वप्रधानमन्त्री ली खछ्याङ मन्त
लहनान्युज | कौलाथ्व चतुर्दशी ११४४, कार्तिक १० शुक्रवाः
![](https://www.lahananews.com/sites/default/files/lee.jpg)
चीनया पूर्वप्रधानमन्त्री ली खछ्याङ मन्त। चिनियाँ मिडिया धाःगु कथं ली खछ्याङ हृदयाघातया कारण मदुगु धका धाःगु दु।
चिनियाँ सरकारी टेलिभिजन सीसीटीभीं हृदयघात जूगु धका धाःगु खः। चिनियाँ समाचार एजेन्सी सिन्ह्वां लीयात अक्टुबर २६ या दिं अचानकं हृदयाघात जूगु व अक्टुबर २७ या दिं स्थानीय ई कथं चान्ह्यः १२ बजे जूया १० मिनेटय् मदुगु धका धाःगु दु। ६८ दँ नेता ली वंगु मार्च महिनाय् जक प्रधानमन्त्रीया निगुगु कार्यकाल पूरा याना बिदा जूगु दु ।
राष्ट्रपति सी जिनफिङ लिपा सत्तारूढ कम्युनिस्ट पार्टी अफ चाइनाया निगुगु वरियताय् दुम्ह ली लिपागु इलय् सांघाइलय् च्वना वयाच्वंगु खः । ली खछ्याङ सन् २०१३ य् चीनया प्रधानमन्त्री जूगु खः ।
वयकः चिनियाँ क्याबिनेटया स्टेट काउन्सिल प्रमुख तक जुयादीम्ह खः।
Categorized in अन्तर्राष्ट्रिय