प्रेम मोहन गीता व बिदुर सिरपा येँया नेपाः ब्याकेटय् छगू ज्याझ्वया दथुइ लःल्हागु दु। उगु सिरपा साहित्यकार रिना बनिया तुलाधरयात वयकलं च्वयादिगु जिगु ल उपन्यास यात लः ल्हाःगु दु।

वयकःयात हनापौं लिसें खुइद्व तका ध्यवा न लःल्हाःगु दु। अथे बिदुर हपाः सिरपा अर्पना शाक्य च्वयादिगु उपन्यास ख्वबि व लायलमायात लः ल्हाःगु खः। वयकःयात नं निन्याद्वः तका लःल्हाःगु खः। प्रेम मोहन गीता व बिदुर सिरपा गुथिया कजि पबित्र कसाःया सभाध्यक्षताय् जुगु उगु ज्याझ्वलय् मूपाहाँ कथं राजदास श्रेष्ठ झायादिगु खः । अथेहे हना कथं बाखँ च्वमि मथुर सायमियात निन्याद्वः हनापौ व जासुस उपन्यासकार राज सायमि झिद्वः तका व हनापौ लः ल्हाःगु खः।

लसकुस न्वचु सिरपा गुथिया दुजः रेणु बासुकला डंगोलं यानादिगु खःसा ज्याझ्वः समितिया दुजः नानीहिरा महर्जनं न्ह्याकादिगु खः। नेपालभाषा उपन्यास बिधायात कयाः शरद कसाः नं चर्चा यानादिगु खः।

अथेहे ज्याझ्वलय् गुथिया पुलाम्ह नायः राजा शाक्ययात नं हंगु खः ।

Categorized in राष्ट्रिय