बागमती प्रदेशया मुख्यमन्त्री शालिकराम जम्मकट्टेलं बागमती प्रदेशया नां व राजधानी धाःगु दु। मध्यपुर थिमी नेकपा (माओवादी केन्द्र) मध्यपुर नगर समितिं भिंतुना कालबिलं ज्याझ्वलय् वयकलं न्ववायेगु झ्वलय् बागमती प्रदेशया नां व राजधानी निगुलि अनुपयुक्त जुगु धका धयादीगु खः।

बागमती प्रदेश नामाकरणय् यक्को जनता लय्मताः धका धयादीसे मुख्यमन्त्री जम्मकट्टेलं उगु इलय् प्रदेशसभाय् थःम्हेसिया लिपागु इलय् तक प्रदेशया नां नेवा–ताम्सालिङ हे जुइमाः धका धया वयागु खः धका धयादीगु खः।

‘प्रदेशया नां बागमती हिलां नेवा–ताम्सालिङ हे जुइमाः, प्रदेश राजधानी हेटौँडाय् अपायक दु, प्रदेश छगु ध्याकून्चाय् दु, चितवन व मकवानपुरबाहेक मेगु ११ जिल्लायात पायक मजु’ मुख्यमन्त्री जम्मकट्टेलं धयादीगु दु, ‘सकसित पायक जुइगु कथं प्रदेश राजधानी धुलिख्यलय् तयेमाः, उपयुक्त इलय् राजनीतिक सहमतिपाखे राजधानी व नां निगुलि हिलेमाः, थ्व प्रदेशसभाया अधिकार जक दु।’

Categorized in राष्ट्रिय