केन्द्रीय मानन्धर संघं झीन्हुया क्षमता विकास तालिम क्वचाःगु दु। नेतृत्व विकासनिसे प्रभावकारी कथं न्ववायेगु शैली व औपचारिक ज्याझ्वः मिले याना सञ्चालन यायेगु क्षमताया विकास यायेगु तालिम ग्वसाः ग्वंगु खः।

उगु ज्याझ्वः चस्वांद्वँ मानन्धर सनाःगू खलःया गुथि छेँ व येँ महानगरपालिकाया सहकार्यय् जूगु खः। अथेहे, सिटीईभिटीईया एसेसर म्यानेजर सुमिना मानन्धर व रेडियोकर्मी सुरेन्द्र मानन्धरं सहजीकरण याःगु खः ।

येँ महानगरपालिका १९ वडा अध्यक्ष राजेश श्रेष्ठ, केन्द्रीय मानन्धर संघया सभापति मनोज कुमार मानन्धर, निवर्तमान सभापति गोपाल कृष्ण मानन्धर, उपसभापति बद्रीनारायण मानन्धर, सचिव गजेन्द्र मान मानन्धर लगायत तय्सं थःथःगु बिचाः तयादीगु खः।

Categorized in राष्ट्रिय