लितपुर रेण्टल क्याटरिङ्ग तथा पार्टी प्यालेस संघया १३ क्वःगु साधारण सभा व न्ह्यक्वःगु अधिवेसन छगु ज्याझ्वः दथुइ यल महानगरपालिकाया मेयर चिरिबाबु महर्जनं उलेज्या यानादीगु दु।

उगु ज्याझ्वलय् संघया रजत जयती लसताय् छगु स्मारिका न पिथःगु खः। पत्रकार सुनिल महर्जनं सम्पादन यानादीगु उगु स्मारिका मूपाहा मेयर महर्जन, गोदावरी नगरपालिकाया मेयर गजेन्द्र महर्जन नापं पाहाँपिन्स बिमोचन यानादीगु खः।

उगु अबिधेसनं हिम किशोर आङमाङ राईयात सर्वसम्मत नायः ल्यःगु दु। अथेहे उपाध्यक्षय् बाबुराजा महर्जन, सचिवय् रोसन घिमिरे, सहसचिवय् नरेन्द्र महर्जन, कोषाध्यक्षय् ईश्वर खड्का व सह कोषाध्यक्षय् अमिरकृष्ण श्रेष्ठ सर्वसम्मत कथं ल्यःगु खः।

दुजलय् जोरजङ्ग कार्की, दिवाकर पोखरेल, बिष्णु कारंजित, दिपेन्द्र महर्जन, चेतनाथ बजगाई, सहदेब अधिकारी व सन्दिप श्रेष्ठ सर्वसम्मत कथं निर्वाचित जूगु खः।

Categorized in राष्ट्रिय