इजरायलं थौं बिद्यार्थी लितः हइगु
लहनान्युज | यंलागा त्रयोदशी ११४३, असोज २५ बिहीवाः
युद्धग्रस्त इजरायलपाखे नेपाःमि तय्त थौं नेपाल एयरलाइन्सय् येँ हइगु जूगु दु।
नेपाल वायुसेवा निगमया ’एननाइन एलवाइजेट’ कलसाइनया वाइडबडी ए–३३० जहाज थौं सुथय् ४ बजे इजरायलया लागि ब्बःगु दु धका निगमया प्रवक्ता रमेश पौडेलं जानकारी बिःगु दु।
उगु जहाज बहनि ९ः१० बजे त्रिभुवन अन्तर्राष्ट्रिय विमानस्थलय् अवतरण याइगु जुगु दु। जहाजय् परराष्ट्र मन्त्री एनपि साउद व मन्त्रालयया सहसचिव शरदराज आरण न इजरायलय् वंगु दु।
युद्धग्रस्त क्षेत्रपाखे लिहावय्त ३५० स्वया अप्पो नेपाली विद्यार्थी तय्सं फाराम बिःगु दु।
Categorized in राष्ट्रिय
