वंघलय् आज्जु द्यःया थाय् थौंनिसे पसः चिइकल
लहनान्युज | यंलागा एकादशी ११४३, असोज २३ मंगलवाः
![](https://www.lahananews.com/sites/default/files/wangha.jpg)
येँ महानगरपालिकां वंघलय् आज्जु द्यःया थाय् च्वंगु पसः चिइकूगु दु। वंगु बिहीवाः झन्डै झीनिदँनिसे सञ्चालन यानाच्वंगु न्ह्यय्गु पसः बन्द याःगु दु धका आकाश भैरव सञ्चालन समितिया सचिव श्याम महर्जनं जानकारी बिःगु दु।
वयकःया कथं पसः सञ्चालक व गुथि समितिया सहमतिइ उगु पसः द्यःया थाय् क्वय् चिइकूगु खः।’ स्थानीय व सम्पदा अभियानकर्ता तय्सं द्यःया क्वय् चिपः यायेमज्यु व फोहोर जूगु धका धयावया च्वंगु खः,’ वयकलं धयादीगु दु,’
हनुमानध्वाकाय् सम्पदा संरक्षण विभागं स्वला न्ह्यःनिसे उगु पसः चिइकेत पौ छ्वया हःगु खः।’ आज्जु द्यःया थाय् प्यंगू लस्सी पसः, नयेगु पसः बाहेक मेमेगु पसः खोले याके बिइ धका धाःगु दु।
Categorized in राष्ट्रिय