हिमाल आरोही निर्मल पुर्जाया नामय् कीर्तिमान त्वाःथंम्ह आरोही गाइड तेन्जेन शेर्पा (लामा) तिब्बतस्थित शिसापाङ हिमालय् हिमपहिराय् बेपत्ता जूगु दु।

८ हजार मिटर च्वय् १४ गू हिमाल दकलय् याकन आरोहण याम्ह निर्मल पुर्जाया नामय् कीर्तिमानी जुयाच्वंगु खः। पुर्जाया नामय् उगु कीर्तिमान तेन्जेन व नर्वेजियन आरोही क्रिष्टिना हारिलां थुगु दँय् जक त्वाःथंगु खः।

संस्कृति, पर्यटन लिसे नागरिक उड्डयन मन्त्रालयं सार्वजनिक याःगु विवरण कथं असोज २० गते करिब १ बजेति वःगु हिम पहिराय् लानां अमेरिकी नागरिक जिना मारिय रजुसिडलो व आरोही गाइड तेन्जेन बेपत्ता जुगु खः।

नेपाल पर्वतारोहण संघया सचिवालयय् कथं तेन्जेन वया हे कीर्तिमानी आरोही गाइड खः, उकिइ नर्वेजियन आरोही क्रिष्टिना हारिलानाप स्वलाया दुने (९२ दिं) या दुने हलियकं ८ हजार मिटर च्वय्या १४ गू हिमाल आरोहण याकन याःगु आरोहण याःपि आरोहीया कीर्तिमान तय्त ताःलागु खः।

थुगु रेकर्ड २७ जुलाई २०२३ य् याःगु खः। हिमपहिराय् नेपाली गाइड मिङमार शेर्पा व अमेरिकी नागरिक अन्नु गुटु बेपत्ता जूगुलि उपि उगु हे दिं मदुगु खः।

उगु घटनाय् कर्मा ग्याल्जेन शेर्पा, मित्रबहादुर तामाङ व कामिरिता शेर्पा घाःपाः जूगु धका पर्यटन मन्त्रालयं धाःगु दु। तनां च्वपि, घाःपा जूम्ह आरोही लिसे गाइड तय्त मालिइगु व उद्दारया लागि मन्त्रालयपाखे कुतः यानाच्वंगु दु धका धाःगु दु।

Categorized in राष्ट्रिय