प्यालेस्टाइनी कट्टरपन्थी समूह हमासं इजरायलय् याःगु आक्रमणय् झीम्ह नेपाःमि मदुगु पुष्टि जूगु दु। अथेहे स्वम्ह घाःपाः जुयाच्वंगु दु ।

उगु आक्रमणय् झीम्ह नेपाःमि मदुगु धका इजरायलस्थित नेपाली राजदूत कान्ता रिजालं धाःगु दु। राजदूत रिजालं धाःगु कथं घोडाघोडी–४ कैलालीया नारायण न्यौपाने, जयपृथ्वी–६ बझाङया गणेशकुमार नेपाली, बाउनिया–३ कैलालीया आशिष चौधरी, लेकाम–५ दार्चुलाया दिपेशराज विष्ट, सपही–६, धनुषाया आनन्द साह व मधुवन–१, सुनसरीया राजेशकुमार स्वर्णकारपि मदुगु धका धाःगु दु।

अथेहे पाँचनली–डोटीया राजन फुलारा, लामिखाल–८ डोटीया पदम थापा, सारदा–३ सल्यानया प्रवेश भण्डारी व मालिकार्जुन–४ दार्चुलाया लोकेन्द्र सिंह धामी मदुगु धका धाःगु दु। सारदा–२ सल्यानया विधान सेजुवाल, दंगीशरण–३ दाङया प्रवीण डाँगी घाःपाः जूगु दु।

Categorized in राष्ट्रिय